நடத்தை விதிகள் தெரியுமா?யாரை பணியிட மாற்றம் செய்யலாம்...

        அரசு அதிகாரிகளை இடமாற்றம் செய்வது குறித்தும் நடத்தை விதிகளில் குறிப்பிடப்பட்டுள்ளது. 

 

           தேர்தல் பணிகள் முடியும் வரை தேர்தலுடன் தொடர்புடைய அதிகாரிகளை இடமாற்றம் செய்வது ஆணையத்தால் தடை செய்யப்பட்டுள்ளது.


தலைமை தேர்தல் அதிகாரி, கூடுதல், இணை, துணை தலைமை தேர்தல் அதிகாரிகள், மண்டல ஆணையாளர்கள், மாவட்ட தேர்தல் அலுவலர்கள், தேர்தல் நடத்தும் அலுவலர்கள், உதவி தேர்தல் அலுவலர்கள், தேர்தல் நடத்தை விதிகளுள் தொடர்புடைய பிற வருவாய் அலுவலர்கள், தேர்தல் ஆணையத்தால் மாற்றுப் பணியமர்த்தப்பட்ட தேர்தல் நிர்வாகத்தில் காவல் துறை தொடர்புடைய அதிகாரிகளான மண்டல காவல் துறை தலைவர், காவல் துறை துணைத் தலைவர், முதுநிலை காவல் கண்காணிப்பாளர்கள், பகுதி-மண்டல அலுவலர்கள், போக்குவரத்துப் பிரிவு, மின்னணு வாக்குப் பதிவு இயந்திரப் பிரிவு, வாக்குச் சாவடிக்குத் தேவையான பொருள்களை கொள்முதல் செய்தல், பயிற்சிப் பிரிவு, அச்சுப் பிரிவு ஆகியவற்றின் அலுவலர்கள், மாநில தேர்தல் நிர்வாகத்தின் முதுநிலை அலுவலர்கள் ஆகியோருக்கு வழங்கப்படும் பணி மாறுதல் உத்தரவு தேர்தல் அறிவிப்புக்கு முன்பே வழங்கப்பட்டிருந்தாலும், நடத்தை விதிமுறை நடைமுறைக்கு வந்த பிறகு, தேர்தல் ஆணையத்தின் சிறப்பு அனுமதியைப் பெறாமல் செயல்படுத்த முடியாது. நிர்வாகத்தின் உடனடித் தேவைக்காக யாரேனும் ஒரு அலுவலரைப் பணி மாறுதல் செய்ய வேண்டுமெனில் தேர்தல் ஆணையத்தை மாநில அரசு அணுகலாம்.