ஜியோவின் அடுத்த அதிரடி : ரூ.999 - ரூ.1,500/-க்கு 4ஜி ஸ்மார்டபோன்.!

பல தொலைத்தொடர்பு புரட்சிகளை இந்திய சந்தையில் நடத்திய ரிலையன்ஸ் ஜியோ அதன் அடுத்த சந்தை புரட்சிக்கான நடவடிக்கைகளை தொடங்கிவிட்டது. அதாவது, ரூ.1500/-க்கும் குறைவான விலையில் 4ஜி வோல்ட் அம்சம் கொண்ட 4ஜி கருவிகளை அறிமுகம் செய்யவுள்ளது.

இந்திய தொலைத்தொடர்புத் துறையின் ஒரு கேம் சேஞ்சர் ஆக திகழும் ரிலையன்ஸ் ஜியோ நிறுவனம், அதன் வாடிக்கையாளர்களுக்கு அதிவேக 4ஜி இணைய அணுகல் மட்டுமின்றி ரூ.2,990/- என்ற விலையில் இருந்து மிகவும் மலிவான 4ஜி ஸ்மார்ட்போன்களையும் வழங்கியது. இப்போது ரூ.2,990/- என்ற விலை நிர்ணயத்தை மேலும் பல படிகள் குறைத்து ரூ.1500/- என்ற விலைக்கு ரிலையன்ஸ் ஜியோ நிறுவனம் கொண்டு வந்துள்ளது.