வாக்காளர் பட்டியலில் திருத்தம் மேற்கொள்ள கால அவகாசம் நீட்டிப்பு

இந்திய தலைமைத் தேர்தல் ஆணையத்தின் உத்தரவுப்படி 2016-ம் ஆண்டு தேர்தலுக்கான வாக்காளர் திருத்த வரைவுப் பட்டியல் கடந்த செப்டம்பர் 15-ந்தேதி வெளியிடப்பட்டது.சேர்க்கை மற்றும் நீக்கம் தொடர்பான மனுக்கள் கடந்த செப்டம்பர் 15-ந்தேதி முதல் கடந்த அக்டோபர் 24-ந்தேதி வரை பெறப்பட்டன. 


பெறப்பட்ட படிவங்கள் அடிப்படையில் பரிசீலனை செய்யப்பட்டு இறுதிவாக்காளர் பட்டியல் அடுத்த ஆண்டு ஜனவரி 11-ம் தேதி வெளியிடப்படும் என அறிவிக்கப்பட்டிருந்தது.


இந்நிலையில், மழை வெள்ள பாதிப்பு காரணமாக வாக்காளர் பட்டியலில் திருத்தம் மேற்கொள்வதற்கான கால அவகாசத்தை தேர்தல் ஆணையம் நீட்டித்துள்ளது.வாக்காளர்களிடம் இருந்து பெறப்பட்ட கோரிக்கை மற்றும் ஆட்சேபனைகள் தொடர்பான படிவங்களை ஆய்வு செய்து திருத்தம் மேற்கொள்ளப்பட்டு இறுதி வாக்காளர் பட்டியலை அடுத்த ஆண்டு ஜனவரி 20-ம் தேதி வெளியிட வேண்டும் என தேர்தல் ஆணையம் தெரிவித்துள்ளது