FLASH / SPECIAL NEWS

#### TEACHERS NEWS TN ####

SCROLL

TEACHERS NEWS TN

16 July 2016

காமராஜர் பிறந்த நாள் விழா : மாநிலம் முழுவதும் கொண்டாட்டம்

தமிழக அரசு சார்பிலும், பல்வேறு அமைப்புகள் சார்பிலும், நேற்று மாநிலம் முழுவதும், முன்னாள் முதல்வர் காமராஜரின், 114வது பிறந்த நாள் விழா, வெகு விமரிசையாக கொண்டாடப்பட்டது.


சத்தியமூர்த்தி பவன்: சென்னை, சத்தியமூர்த்தி பவனில் மேலிட பொறுப்பாளர் சின்னாரெட்டி தலைமையில், மறைந்த முன்னாள் முதல்வர் காமராஜரின், 114வது பிறந்த நாள் விழா நேற்று கொண்டாடப்பட்டது. இந்த விழாவில் இளங்கோவன், குமரி அனந்தன், தங்கபாலு, கிருஷ்ணசாமி, பீட்டர் அல்போன்ஸ், நெடுஞ்செழியன், ஜான்சிராணி உட்பட ஏராளமான காங்கிரசார் பங்கேற்றனர்.



சென்னை, மெரினா கடற்கரையில் உள்ள காமராஜர் சிலை அருகே, அலங்கரிக்கப்பட்ட காமராஜர் படத்திற்கு, அரசு சார்பில், அமைச்சர்கள் ஜெயக்குமார், சண்முகநாதன், கடம்பூர் ராஜு, பெஞ்சமின், சென்னை மேயர் சைதை துரைசாமி, ஆவடி எம்.எல்.ஏ., பாண்டியராஜன், செய்தித்துறை செயலர் வெங்கடேசன் மற்றும் அதிகாரிகள், மலர் துாவி மரியாதை செலுத்தினர்.

அதேபோல், காங்கிரஸ், பா.ஜ., - பா.ம.க., உட்பட பல்வேறு கட்சி தலைவர்கள் மற்றும் பிரமுகர்கள், சமூக அமைப்புகளை சேர்ந்தவர்கள், காமராஜர் படத்திற்கு மலர் துாவி மரியாதை செலுத்தினர். மாநிலம் முழுவதும், காமராஜர் சிலைக்கு மாலை அணிவித்தும், அவரது படத்திற்கு மலர் துாவியும், பொதுமக்கள் மரியாதை செலுத்தினர்.


அனைத்து அரசு பள்ளிகளிலும், காமராஜர் பிறந்த நாள் விழா, நேற்று கல்வி வளர்ச்சி நாளாக கொண்டாடப்பட்டது. மாணவ, மாணவியர், ஆசிரியர்கள் மலர்களால் அலங்கரிக்கப்பட்ட, காமராஜர் படத்திற்கு, மலர் துாவி மரியாதை செலுத்தினர்.

No comments:

Post a Comment